KnasterKOPF

Fagtímarit um krítarpípur / leirpípur og sögu tóbaksneyslu

>Þær koma úr jörðu við því nær allar fornleifarannsóknir í borgum og það má finna þær í fjölmörgum söfnum - tóbakspípur úr brenndum leir. Ef þær eru skoðaðar vel getur skrautið á þeim og merkingarnar sagt margt um uppruna þeirra, um stjónmálaástand og um falsanir og vafasama viðskiptahætti til forna. Þessir hversdagsgripir frá 17. - 20. verða oft tímasettir með svo mikilli nákvæmni að einungis skeikar fáeinum árum. Þannig eru krítarpípur mikilvægt hjálpartæki við fornleifarannsóknir sem taka til minja frá síðari tímum, og koma að gagni við að tímasetja aðra gripi sem þær finnast með. Einnig koma margar fræðigreinar saman í rannsóknum á krítarpípum, fornleifafræði, þjóðfræði, menningarsaga, verslunarsaga og saga nautnalyfja.

Tímaritið KnasterKOPF er eina fornleifafræðilega fagtímaritið á þýsku sem er helgað þessum gripum sem eru mjög mikilvægir fyrir fornleifarannsóknir á síðari alda minjum. Í hverju hefti ritsins má finna greinar um rannsóknir, þar er sagt frá fundnum munum í þýskumælandi löndum og lesendum greint frá nýjum ritum sem varða tóbakspípur úr leir. KnasterKOPF er sérstaklega helgað leirpípunum eða krítarpípunum, en einnig er þar fjallað um annað er varðar sögu tóbaksneyslu svo sem postulíns- eða merskúmspípum og öðru er varðar sögu tóbaksins. KnasterKOPF er ætlað að vera fræðilegur vettvangur fyrir fagmenn og einnig áhugamenn og safnara.
KnasterKOPF er í nánu sambandi við starfsemi "Vinnuhóps um leirpípurannsóknir" (Arbeitskreis zur Erforschung der Tonpfeifen) og kemur yfirleitt út á sama tíma og árlegur fundur hópsins er haldinn í apríl / maí. Ritið greinir frá fundum þessum og einnig frá starfsemi sambærilegra fræðihópa í öðrum Evrópulöndum.
KnasterKOPF er gefið út af þeim Ralf Kluttig-Altmann fyrir fornleifa- og sögusafn Hamborgar (Hamburger Museums für Archäologie und die Geschichte Harburgs - Helms-Museum Hamburg).